Больш за 60 студэнтаў медыцынскага універсітэта былі эвакуяваныя з-за пажару, які адбыўся ноччу ў інтэрнаце на праспекце Дзяржынскага ў Менску.
Як паведамілі ў гарадскім упраўленні МНС, у пакоі студэнта-замежніка, які пражывае ў інтэрнаце БДМУ ў Менску, ноччу загарэлася маёмасць. Ратавальнікі, якія прыбылі на месца пажару, за 14 хвілін ліквідавалі пажар і эвакуявалі больш за 60 жыхароў інтэрната.
Папярэдняй прычынай пажару з’яўляецца выкарыстанне ацяпляльніка.
Зараз удакладняецца памер шкоды, нанесенай агнём. Пажар абышоўся без ахвяр, паведамляе “Інтэрфакс”.