У Таджыкістане не засталося ніводнага ВНУ, у якім не бралі б хабараў. Пра гэта, як паведамляе Інфармацыйнае агенства “Азія-Плюс”, - заявіў дырэктар Агенства па дзяржаўным фінансавым кантролі і барацьбе з карупцыяй Фаттох Саідаў.
Саідаў адзначыў, што метады атрымання хабараў з часам ускладняюцца: грошы, да прыкладу, перадаюць праз некалькіх пасярэднікаў. Усяго за першую палову 2010 г., па яго словах, у сферы адукацыі былі зафіксаваны 36 карупцыйных злачынстваў. Сем выкладчыкаў ВНУ затрыманы за хабарніцтва.
У ліку затрыманых апынуліся, у прыватнасці, намеснік старшыні прыёмнай камісіі Інстытута прадпрымальніцтва і сябра прыёмнай камісіі Інстытута мастацтваў. Быў таксама затрыманы адзін з выкладчыкаў Таджыкскага дзяржуніверсітэта камерцыі: гэта адбылося пасля скаргі студэнтаў, якія заявілі, што на іспыце ён патрабаваў з іх па 130 самоні (каля 30 даляраў). Памер хабараў за паступленне ў прэстыжныя універсітэты краіны, па інфармацыі Саідава, складае 15-20 тысяч даляраў.
падгледзена: tut.by