Лідэр гурта :B:N Алесь Лютыч паведаміў, што ўдзел іх у гэтым фэсце ёсць вынікам неабыякавасці да праблемы дзяцей-сірот.
- Гэта, безумоўна, кранае кожнага нармалёвага чалавека. Усе мы ў дзяцінстве бачылі як, напрыклад, нашыя бацькі, альбо бацькі сяброў ці знаёмых сварацца, разыходзяцца, гэта нас кранала і ўплывала на нашую з вамі дзіцячую псіхіку. Цяпер уявіце сябе на месцы дзяцей, якія засталіся ў тым ці іншым сэнсе без бацькоў…. Усё гэта цяжка….
Алесь Лютыч адзначыў, што “гэтая імпрэза міласэрнасці і прапанова паўдзельнічаць у Добрым фэсце не абыйшла гурта бокам.
На Добрым фэсце хлапцы абяцаюць запаліць натоўп сваім драйвам.
- Цяжка за 30 хвілін выступу задаволіць тых, хто прыйдзе на Добры фэст, бо маюць выступаць шмат гуртоў, публіка будзе рознай. Мы зграем нешта новае, будзе рок, будзе рэп, будзе лірыка – такі драйвовы мікс ад гурта :B:N.
Нагадаем, Добры Фэст адбудзецца ў клубе “Рэактар” у Мінску 22 красавіка а 18 гадзіне.