Studfarmat

Прапанова беларускіх дэпутатаў аб адмене адтэрміноўкі ад вайсковага прызыву для студэнтаў-платнікаў не знайшла падтрымкі і не ўвойдзе ў лік паправак у закон “Аб воінскім абавязку і воінскай службе”.

Вырашана пакінуць тую частку законапраекта, якая тычыцца прадастаўлення адтэрміновак ад службы ў войску, без змяненняў. Яна застаецца ў тым жа выглядзе, у якім была прынята дэпутатамі Палаты прадстаўнікоў у першым чытанні. Гэта значыць, адтэрміноўку ад арміі плануецца адмяніць толькі для студэнтаў завочных форм навучання.

Паводле старшыні Сталай камісіі Палаты прадстаўнікоў па нацыянальнай бяспецы Віктара Гумінскага, адмена адтэрміноўкі ад прызыву для студэнтаў-завочнікаў не будзе азначаць пагалоўнага набору ў войска ўсіх, хто навучаецца на завочных аддзяленнях.

“Гэта не азначае, што прыйдзе час і ўсіх завочнікаў прызавуць. У войска возьмуць толькі столькі, каб даўкамплектаваць сілавыя структуры да неабходнай колькасці прызыўнікоў”, – растлумачыў Віктар Гумінскі.

Ён нагадаў, што студэнты атрымалі адтэрміноўку ад войска толькі ў 2007 годзе, а да гэтага ўсе ішлі служыць і нічога страшнага не адбывалася.

Міністэрства абароны заяўляе аб штогадовым скарачэнні колькасці прызыўных рэсурсаў для забеспячэння абароны і ваеннай бяспекі дзяржавы. Аналіз колькасці насельніцтва Беларусі па полу і ўзросту паказвае істотнае зніжэнне колькасці мужчын, якія падлягаюць штогадоваму першапачатковаму прыёму на воінскі ўлік, і, як вынік, змяншэнне колькасці прызыўных рэсурсаў.

За апошні час колькасць мужчын, якім споўнілася 18 гадоў, прыгодных да вайсковага прызыву, штогод скарачаецца на 5-7 працэнтаў.

У той жа час Беларусь мае самы вялікі пералік адтэрміновак сярод краін СНД: 28 падстаў для непрызыву, што ахопліваюць 49 катэгорый (у Расіі толькі 21 адтэрміноўка, ва Украіне – 17). З-за атрымання адукацыі ў Беларусі атрымліваюць адтэрміноўкі больш за 164 тыс. чалавек ва ўзросце 18-26 гадоў, з іх каля 36 тыс. навучаюцца на завочнай форме.

Прааналізаваўшы прапановы, ырашана, што найбольш мэтазгодна прызываць студэнтаў-завочнікаў: гэта можа стаць для маладых людзей дадатковым стымулам добра вучыцца і імкнуцца паступіць на дзённую форму навучання.

Дэпутат падкрэсліў, што калі законапраект будзе прыняты і атрымае статус закона, ён не будзе мець зваротнай сілы. Гэта значыць не будзе распаўсюджвацца на тых, хто сёння прызваны і навучаецца завочна. Нормы законапраекта закрануць толькі тых, хто паступіць пасля яго прыняцця.

Віктар Гумінскі абнадзеіў: “Прызыў у армію студэнтаў-завочнікаў – гэта, магчыма, часовая мера”. Ён не выключае, што ў будучым армія можа перайсці на аднагадовы тэрмін службы. Мінабароны выступае ў падтрымку гэтай прапановы, але іншыя сілавыя ведамствы пакуль не гатовы да такіх змяненняў.

Паводле БелТА

Усім студэнтам, у якіх ёсьць ня толькі тусоўкі, сэсіі і студэнцкі білет, але й імкненьне да справядлівасьці, прысьвячаецца. Калі ты адчуваеш, што Твае правы парушаюцца, Калі цябе абурае, калі чыніцца несправядлівасьць і ты не заўсёды ведаеш, што з гэтым можна зрабіць, МПГ «Студэнцкая Рада» запрашае прыняць удзел у трэнінгах па падвышэньні прававой культуры ў сфэры правоў студэнтаў.

На трэнінгах можна:

пазнаць, якія ў студэнта ёсьць правы;
зразумець, што значыць быць сапраўдным студэнтам;
усьвядоміць, чаму трэба змагацца з несправядлівасьцю;

разабрацца, як абараняць свае правы і правы іншых студэнтаў.

Першы трэнінг адбудзецца ўжо 7 лютага 2010 году ў Менску.

Для ўдзелу ў трэнінгу неабходна адказаць на наступныя некалькі пытаньняў і даслаць іх на электронную пошту treningi.studrada@gmail.com не пазьней 4 лютага (улучна):

Прозьвішча, імя
ВНУ, факультэт і курс
Чаму ты жадаеш патрапіць на трэнінг?
Хто па тваім меркаваньні, сапраўдны студэнт?
Ці патэлефануйце па тэл. арганізатарам: (+375 29) 221 06 97 Аляксандра Дзікан, (+375 29) 314 43 75 Яўгенія Андрэюк.

Адбор будзе праходзіць на конкурснай аснове пры папярэдняй гутарцы.

Паволе «Студэнцкай Рады»

З такой ініцыятывай выступілі Полацкі дзяржаўны ўнівэрсытэт і гарвыканкам. Помнік студэнту плянуюць надзяліць «галоўнымі рысамі студэнтаў усіх часоў: свабодалюбства, адухоўленасьць, незалежнасьць поглядаў».

«Старажытны горад з кожным годам зьмяняецца, тут зьяўляюцца новыя скульптурныя кампазыцыі. Вось і мы вырашылі падтрымаць добры пачатак. А што самае галоўнае ва ўнівэрсытэце? Канешне ж, студэнт», — тлумачыць рэктар ПДУ Дзьмітрый Лазоўскі.
На паседжаньні, дзе абмяркоўвалася ідэя помніку, не выключаюць зьяўленьне ў будучыні і «пары» для скульптуры — помнік студэнтцы, але паставяць яго ўжо ў Наваполацку.

Полацкі гарвыканкам плянуе абвесьціць конкурс на лепшы эскіз помніку студэнта, які можа зьявіцца ў горадзе гэтай восеньню.

Паводле «Народнага слова»

Нямецкія ВНУ могуць заняцца падрыхтоўкай імамаў. Ініцыятыву Навуковай рады аб пашырэнні выкладання ісламскай тэалогіі ўхваляюць як палітыкі, так і прадстаўнікі мусульманскіх абшчын.

Прапановы аб пашырэнні выкладання ў германскіх ВНУ ісламскай тэалогіі заслугоўвае ўхвалы і ўсялякай падтрымкі. Аб гэтым заявіў газеце Tagesspiegel міністр па справах інтэграцыі ўрада федэральнай зямлі Паўночны Рэйн-Вестфалія Армин Лашет (Armin Laschet).

“Нам трэба больш імамаў – выхадцаў з нашага грамадства, якія прайшлі навучанне ў нашых універсітэтах”, – падкрэсліў міністр. Па яго меркаванню, той, хто прыбыў у Нямеччыну ўсяго пару гадоў назад, напрыклад з Турцыі, і практычна не ведае грамадскіх рэалій, не будзе адпавядаць сучасным патрабаванням інтэграцыйнай палітыкі.

З прапановай да ўрада ў Берліне і федэральных зямель стварыць у 2-3 універсітэтах краіны факультэты ісламскай тэалогіі звярнуўлася Навуковая рада (Wissenschaftsrat). Для выкладання асноў ісламскай рэлігіі прапаноўваецца прыцягнуць кваліфікаваных спецыялістаў і навукоўцаў. Арганізацыяй вучэбнага працэсу зоймуцца створаныя на грамадскіх пачатках тэалагічныя рады, якія таксама будуць сачыць за тым, каб падчас навучання выконваўся ісламскі плюралізм.

Мусульманскія абшчыны ў Нямеччыне падтрымалі ініцыятыву Навуковай рады. “Прапанова стварыць пры ўніверсітэтах тэалагічныя рады, якія будуць выступаць у ролі кансультантаў і арганізатараў – гэта прагматычны шлях, якому няма альтэрнатывы”, – заявіў генеральны сакратар Цэнтральнай рады мусульман у Нямеччыне Айман Мазыек (Aiman Mazyek). Ён падкрэсліў, што ўзначаленая ім арганізацыя вельмі зацікаўленая ў падрыхтоўцы імамаў у Нямеччыне. Дагэтуль большасць мусульманскіх абшчын запрашалі імамаў за мяжы, у асноўным з Турцыі.

Паводле osvita.org.ua

Толькі ў сесію студэнты становяцца самымі забабоннымі і веруючымі людзьмі ў свеце.=)) І пакуль мае сябры-студэнты сумленна вучылі іспыты, я займалася марнаваннем часу і зборам студэнцкага фальклёру. Аказалася, што ён уключае ў сябе не толькі забабоны, але і абрады і нават сваю прышпільную міфалогію.

Ітак, што тычыцца міфалогіі, якую я нахабна злямзіла з сцяны сяброўкі з кантакту. Увага, чытаем уважліва і занатоўваем галоўныя моманты, авось спатрэбіцца.=))

Вярхоўным богам у студэнцкай міфалогіі з’яўляецца Усемагутны Анунах. Гэты бог цалкам кіруе студэнцкім жыццём і вяршыць суд. Апякункай студэнтаў, іх заступніцай і памочніцай з’яўляецца жонка Анунаха Халява. Менавіта да яе звычайна звернуты ўсе студэнцкія малітвы.
У Анунаха ёсць шэраг багоў-памочнікаў: Усемагутны Нуіфіг, выдатныя сёстры Незараз і Дыпотым, адважныя воіны Нунездам, Пераздам і Акад. Сярод шырокай світы Халявы варта вылучыць такіх багоў, як Восьшанцуе, Якнебудзь, Ясадраў.

Ёсць у студэнцкай міфалогіі і злыя багі, у першую чаргу брат Анунаха – злы Дэканат. Дэканат на працягу стагоддзяў змагаецца з Анунахам, спрабуючы звергнуць яго і парабаціць студэнцкі свет у батанства. Але Анунах раз за разам перамагае Дэканат, падтрымліваючы раздаўбайства і пафігізм.

У падпарадкаванні ў Дэканата знаходзіцца мноства дробных і пакорлівых дэманаў: незалікаў, Навукрук, Курсавік, і, вядома ж, самы бязьлітасны з іх – Гэтадва.
Раз у паўгода цёмныя сілы збіраюцца на шабаш, названы сесіяй. У гэты час студэнтам загадваецца выконваць піўны пост і весці праведнае жыццё!
Вось яна якая студміфалогія, гэта вам не пернікі з мёдам!

Але акрамя яе ёсць яшчэ шмат абрадаў і калі іх выконваць падчас сесіі, то кажуць, што поспех будзе гарантаваны. Самы папулярны з іх – “халява лавісь”. Сярод студэнства бытуе некалькі варыянтаў гэтага абраду. Самы просты – гэта высунуцца ў вакно ў 12 гадзін ночы і крыкнуць што ёсць моцы тры разы: “халява лавісь”, а самы дасканалы і складаны – гэта не толькі высунуцца і пракрычаць, а яшчэ паспець адчыніць і зачыніць залікоўку пакуль ніхто не адказаў штось кшталту: “вучыць трэба” альбо “кажы адрас, зараз зайду”, і не забыцца пра палітыленавы пакецік,у які патрэбна злавіць халяву і выпусціць, калі будзеш заходзіць у аўдыторыю.

А вось забабонаў, то цьма-цьмушчая. Па-першае, мыць галаву проста напрач забараняецца перад іспытам, а таксама галіцца, стрыгчыся і абразаць пазногці. Прыходзіць на іспыт у чырвоным непажадана. Па-другое, кажуць, што калі залікоўка ўпала, то патрэбна на ёй пасядзець – і ўсё будзе тады выдатна, а інакш наклічаш на сябе бяду… А яшчэ родную заліковачку патрэбна перавязаць чырвонай нітачкай і перад заходам у аўдыторыю развязаць, і тады манна божая зваліцца вам на галаву.

Вядома, што ў гэта можна верыць і выконваць, але не мяшала хаця б канспекцік ці кніжачку перад іспытамі палістаць… А яшчэ з сабой “бомбы” ці шпоры захапіць. І тады будзе шчасце вам!!!

Каця Д.

Па паведамленні Гарадзенскага абласнога кіравання МНС 1 лютага выратавальнікам прыйшлося эвакуяваць з інтэрната 75 навучэнцаў каледжа з-за пажару ў інтэрнаце.

Прычынай пажару ў інтэрнаце Гарадзенскага прафесійна-тэхнічнага каледжа прыборабудавання стала ўзгаранне ў смеццеправодзе. З-за моцнага задымлення выратавальнікам прыйшлося эвакуяваць жыхароў з пятага па дзевяты паверхі будынка. Акрамя таго, пажарнікамі выратаваны 19-летні навучэнец, які спаў у гэты час у зачыненым пакоі.

Паводле univer.by

Паводле Радзькова, больш за 2 млн навучэнцаў ПТВ і студэнтаў ВНУ атрымліваюць адукацыю ў 2009/2010 навучальным годзе ў больш за 9 тыс. устаноў Беларусі.

У адпаведнасці з дэмаграфічнай сітуацыяй, якая складваецца ў краіне, аптымізавана сетка ўстановаў адукацыі. Адукацыйны працэс забяспечваюць каля 450 тыс. супрацоўнікаў галіны, у тым ліку звыш 230 тыс. педагогаў.

Паводле дадзеных міністра адукацыі Беларусі, летась значна павялічылася колькасць студэнтаў ВНУ. Вышэйшую адукацыю ў Беларусі атрымліваюць 430 тыс. чалавек – на 10 тыс. больш за 2008/2009 навучальны год. На 10 тыс. чалавек насельніцтва краіны прыпадае 443 студэнты, што адпавядае паказчыкам развітых еўрапейскіх дзяржаў.

Сярод дасягненняў 2009 Аляксандр Радзькоў назваў удзел беларускіх школьнікаў і студэнтаў у міжнародных алімпіядах па матэматыцы, фізіцы, хіміі, біялогіі, інфарматыцы, астраноміі і астрафізікі. Юныя разумнікі і разумніцы ўзнагароджаны 25 медалямі: 5 залатымі, 10 сярэбранымі і 10 бронзавымі.

Паводле БелТА

Апошні месяц зімы, на дзіва, у Беларусі вельмі снежны. Перакананая, што ў гэтым больш пазітыўнага. Проста глупства банальна прасідзець дома перад тэлікам, альбо ў Кантакце, калі за вакном столькі снегу… Студэнты, будзьма больш актыўнымі!

Для тых, хто не паспеў, альбо хопіць грэць мяккае месца перад тэлікам

Паважаныя, як даўно вы каталіся на санках, каньках, лыжах, альбо проста кідаліся адно ў аднаго снежкамі? Люты дае вам такі шанец.

Бярыце сваю другую палову, апранайце рукавічкі, шалікі і хутчэй ляпіць снегавікоў! Дзякуй надвор’е бліжэйшым часам будзе спрыяць гэтаму!

Зімовая фотасесія ў лесе між казачных елак – зрабіце вылазку ў бліжэйшы лес ці парк. Вазьміце з сабой тэрмас з гарбаткай з зёлкамі.

Яшчэ нікому не зрабілі “градуснік” галавой у снег? Альбо не закідалі дзяўчат снежкамі? Трэба спяшацца :)

Зрабіце карысную рэч – збудуйце разам з каханай/каханым кармушку для птушак і выратуйце жыццё маленькіх сінічак!

На аматара – зімовая рыбалка з мармышкамі і лункамі ў лёдзе, а таксама цудатворным сугрэвам у тэрмасе. “Лавіся рыбка, вялікая і маленькая”. Але будзьце вельмі пільнымі. Лёд можа быць небяспечным.

Як сагрэцца пасля снежнай актыўнасці?

Натуральна, што пасля некалькіх гадзін на зімовым паветры абсалютна не нашкодзіць крыху сугрэцца. Зімовыя вечары вельмі прыемна праводзіць у кампаніі добрых сяброў, папіваючы цёплую гарбатку з лімонам альбо штосьці больш моцнае.

Зварыце крамбамбулю альбо глінтвейн, запрасіце сяброў і паглядзіце добры фільм, альбо згуляйце разам у якубю-небудзь гульню.

Добрым сугрэвам пасля зімовых прагулак можа стацца СЭКС! Сачыце, каб ён быў бяспечным.

А галоўнае – не хварэйце! Займайцеся прафілактыкай хваробаў: ужывайце паболей вітаміну С, дыхайце свежым паветрам, вядзіце актыўны лад жыцця, займайцеся сэксам і атрымліваейце пазітыўныя эмоцыі ад жыцця! Вясна хутка!!!

Наста А.

Вялікабрытанія прыпыніла выдачу студэнцкіх віз жыхарам Індыі, Непала і Бангладэш. Памежнае агенцтва было вымушана пайсці на такі крок з-за занадта вялікай колькасці тых, хто жадае атрымаць візы.

У адной толькі Паўночнай Індыі за апошнія тры месяцы мінулага года было пададзена 13,5 тысячы заяваў. Для параўнання, за ўвесь 2008 год паступіла менш за дзве тысячы заявак. Гэта вельмі непакоіць памежныя службы Брытаніі. Там падазраюць, што рэзкі рост колькасці зваротаў можа быць звязаны з тым, што некаторыя іншаземцы спрабуюць незаконна атрымаць права на пражыванне ў краіне.

Забарона застанецца ў сіле як мінімум да канца лютага, пакуль памежныя службы Вялікабрытаніі не правераць ўсе заяўкі, а таксама адукацыйныя ўстановы, у якіх хочуць вучыцца замежнікі.

У канцы мінулага года брытанскія СМІ пісалі пра тое, як з Індыі ў Вялікабрытанію пад выглядам студэнтаў прыязджаюць працоўныя мігранты.

Паводле Эха Масквы

Пераможцай конкурсу “Міс Амерыка”, фінал якога прайшоў позна ўвечары 30 студзеня ў Лас-Вегасе, стала 22-гадовая прадстаўніца штата Вірджынія Кэрыса Кэмерон. Далей →