Не так давно в сети появилось новое live-видео с концерта группы Open Space. Во время выступления на летнем фестивале фейерверков «Навальнiца» ребята исполнили несколько песен, которые войдут в новый альбом. Один из этих треков Open Space и решили запечатлеть на видео. Далей
- Я вельмі рады, што мы здолелі выпусціць беларускамоўны кліент ICQ. Мы атрымоўвалі шмат лістоў з пытаннямі ад беларускіх карыстальнікаў, ці будзе беларуская мова ў кліенце. Зараз мы можам упэўнена сказаць, што афіцыйны беларускі ICQ цалкам наш родны. Хачу выказасць падзяку камандзе сацыяльнай сеткі Belarusy.by за дапамогу ў якасным беларускім перакладзе. Паверце, з першай старонкі ўсталёўкі вы будзіце здзіўлены якасці перакладу і не захочаце пераходзіць на іншай кліент!» – распавёў дырэктар ІП «Свет-Інтэрнэт» Іван Монцік.
Запампаваць беларускую версію кліента вы можаце як на афіцыйным сайце icq.com і абраўшы мову для ўсталёўкі беларускую ці а беларускай старонцы icq.bigmir.net/by, дзе вам прапанавана 2 кнопкі для запампоўкі, паведамляе bigmir.net.
Беларускі дзяржаўны універсітэт інфарматыкі і радыёэлектронікі распачаў навучанне спецыялістаў на ангельскай мове. Пра гэта паведаміў сёння журналістам першы намміністра адукацыі Беларусі Аляксандр Жук. Далей
Некаторыя дэпрэсуюць, хтосьці спрабуе злавіць апошнія цёплыя промні сонейка, а я проста захацела захаваць у памяці гэтыя восеньскія колеры. Далей
Нельга не пагадзіцца з тым, што студэнты далёка ня круглы год жывуць бесклапотна, і стрэсавыя сытуацыі ўзьнікаюць у іх даволі часта. Асабліва небясьпечны стрэс, які студэнты перажываюць падчас сэсіі. Напружаньне ў гэты перыяд узрастае у некалькі разоў. Звычайна сэсія пралятае ў такім хуткім рытме, што заўважыць гэта не пасьпяваеш, але пасьля, варта толькі ўсяму скончыцца, адчуваеш сябе быццам выжатая цытрына.
Менавіта на такія стрэсавыя моманты, як экзамэны, прыпадаюць найчасьцей нашыя хваробы. Справа ў тым, што сам чалавек уяўляе сабой стварэньне гарманічнае, і калі гэта гармонія парушаецца хоць нейкім чынам, гэта абавязкова выклікае далейшыя парушэньні. Наш дрэнны настрой і напружаны эмацыйны стан уплывае на фізычнае самаадчуваньне, зьніжаюцца магчымасьці нашага імунітэту. Акрамя таго, дрэнныя эмоцыі ад нас на падсьвядомым узроўні перадаюцца людзям навокал, і таму мы узьлейшым ворагам, што дзейнічае незаўважна, а наступствы яго абавязкова праявяцца.
Пачніце падрыхтоўку да сэсіі загаддзя. За некалькі дзён да экзамэнаў падрыхтуйце добра памяшканьне, дзе зьбіраецеся вучыць, прыбярыце яго і забясьпечце дасягальнасьць усіх неабходных вам рэчаў.
Расплянуйце свой расклад. Нават калі вы гэтага ніколі ня робіце. У перыяд экзамэнаў лепш ведаць дакладна, што і калі рабіць, бо любыя форс- мажоры – гэта дадатковае нэрваваньне.
Паклапаціцеся пра свой фізычны стан. Забясьпечце сабе неабходны час на сьвжым паветры. Калі гэта лета, можаце рыхтавацца да экзамэнаў на паветры, напрыклад, дзе-небудзь у парку. Калі зіма, праветрывайце свой пакой.
Смачна ешце. Дазваляйце сабе любімую ежу. Памятайце, зараз у вас вельмі адказны перыяд, таму можна і зьлезьці са сваіх дыет ненадоўга. Разам з тым не злоўжывайце шкоднай ежай, асабліва фаст-фудам. Лепш згубіць крыху часу, але прыгатаваць што-небудзь смачнае і карыснае. Абавязкова ўжывайце вітаміны! Менавіта зараз.
Сачыце за сабой. Прыводзьце сябе ў добры выгляд, апраніце што-небудзь прыгожае, нават з хатняй вопраткі. Можаце нафарбавацца, нават калі не зьбіраецеся выходзіць. У вас будзе добры настрой, і вам будзе лягчэй вучыцца.
Антыдэпрэсанты – гэта ня выйсьце. Гэтак жа сама як паленьне. Менавіта ў час сэсіі зьяўляецца спакуса супакойваць нэрвы цыгарэтамі, злоўжываць кавай. Ня варта гэтага рабіць, а калі вы ўжо паліце, не павялічвайце дозу. Цыгарэты даюць вельмі часовае паслабленьне напружаньня, а шкода, якую яны нясуць арганізму, вымагае вашых сілаў і энэргіі, якія трэба ськіроўваць на іншае. Таму трымайце сябе ў руках.
Добра сьпіце. Нават калі менш, чым звычайна. Пастарайцеся класьціся спаць у адзін і той жа час, ня важна, у 12 ці ў чатыры раніцы. І не засыпайце за працоўным месцам.
Не забывайце адпачаваць, пасьля здадзенага іспыту. Не бярыцеся адразу за падрыхтоўку да наступнага, а зрабіце невялікі перапынак, схадзіце ў кіно, на канцэрт, на каток. У вашага мозгу будзе час наладзіцца на іншую дысцыпліну.
Не адмаўляйцеся ад асабістага жыцьця. Адмоўцеся толькі ад высьвятленьня адносінаў з каханым чалавекам. Адкладзіце сваркі і канфлікты. Вашая блізкасьць – добрая крыніца матывацыі. Дапамагайце адно аднаму ў падрыхтоўцы да іспытаў.Падчас сэсіі вам неабходна як мага больш добрых пазітыўных эмоцыяў, бо адмоўных вам хапае. Таму радуйцеся кожнай дробязі жыцьця. Думайце пра рэчы, якія важнейшыя для вас за адзнакі, уяўляйце свае вакацыі, што будзеце рабіць, калі “ўсё гэта сконьчыцца”. У рэшце рэшт, сэсія не вайна, і зь яе вяртаюцца. Але дзеля самога сябе вайну са стрэсам выйграць неабходна.
Памятайце пра гэта і ператварайце вашае жыцьцё ў асалоду. Усё ў вашых руках.
Рамонак
Агульныя патрабванні
Праца мусіць адпавядаць тэме Конкурса, быць выкладзенай ў форме эсэ, то бок у адвольнай форме, і асвятляць асабістае стаўленне канкурсанта і яго думкі па прапанаванай тэме.
Мова – на выбар беларуская, украінская, ангельская.
Аб’ём працы – да 8000 друкаваных сімвалаў, улічваючы прабелы (да 5 старонак: шрыфт Times New Rom, 12 памер, інтэрвал – 1,5). Праца мусіць складацца з тытульнага ліста і ўласна тэкста эсэ.
Тытульны ліст эсэ: пазначце Імя, прозвішча, назву навучальнай установы, дзе вы навучаецеся.
Удзел у конкурсе: каб атрымаць АНКЕТУ на ўдзел пішыце на studfarmat@gmail.com.
Эсэ і анкета мусяць быць дасланымі да 4 лістапада 2009 года не пазней за 18 гадзін.
Узнагароджанне фіналістаў і пераможцаў
Удзел у семінары-трэнінгу “Свабода слова – неад’меная частка дэмакратыі”, які адбудзецца ва Украіне.
Дарога ў Чарнігаў
Ехалі на машыне вясёлай кампаніяй. Выехалі пад вечар, таму мяжу перасякалі недзе ў гадзіну ночы. Чарга была невялікая, бо мы ехалі праз прапускны пункт Камарын, што ў Чарнобыльскай зоне. Дарога праз закінуты край уразіла вялікай колькасьцю зораў: іх была безліч на небе! Далей
Дзень 1, 22 жніўня, субота
13.45 – Урачыстае адкрыццё
14.00 – Небо для Себе (Чарнігаў) – cпецыяльны госць на адкрыццё
14.30 – pipl Plant (Чарнігаў)
15.00 Re1ikt (Гомель)
15.35 B:N: (Бяроза)
16.15 Zatoczka (Магілёў)
16.55 Partyzone (Мінск)
17.40 Scrudg (Чарнігаў)
18.10 Pomidor/OFF (Мінск)
18.55 ZNICH (Мінск)
19.40 – Vladivostok (Францыя)
Не пазней за 21.00 – Ляпис Трубецкой (Мінск)
Дзень 2, 23 жніўня
14.00 – Урачыстае адкрыццё Дня 2.
14.15 – Lena Ivanova (Чарнігаў) – запрошаны госць пад адкрыццё
14.45 – Glofira (Гомель)
15.20 – Hair Peace Salon (Мінск)
15.55 – Tarpach (Мінск)
16.40 – Назад Шляху Немає (Кіеў)
17.10 – LitvinTroll (Мінск)
17.55 Imprudence (Мінск)
18.40 Zero-85 (Польшча)
19.40 ULIS (Мінск)
Не пазней за 21.00 Воплі Відоплясова (Кіеў)
Грошы:
Уваход на ўсе канцэрты фэсту будзе бясплатным. Мы плануем браць невялічкую аплату за месца ў намётавым мястэчку, але яна не перавысіць 5 у.е. з чалавека за ўвесь час фестывалю.
Сярэдні курс даляра да грыўны зараз 8 грывен за 1 даляр, еўра – 11 грыўнаў за даляр. Сярэдні кошт абеду ў папулярных сетках хуткага харчавання а-ля “Два Гуся” вагаецца ад 20 да 30 грыўнаў.
Для тых, хто едзе на машынах, ёсць магчымасць платнага паркінгу (5-8 грывен суткі) – каля 200 месцаў недалёка ад гатэля “Брянск”.
Пражыванне:
Намётавае мястэчка для публікі будзе зарганізаванае на той жа пляцоўцы, што і сцэна, і будзе асобна агароджвацца і ахоўвацца.
Арганізатары будуць рэгістраваць жыхароў мястэчка і выдываць апазнавальныя знакі, па якім можна будзе прайсці на тэрыторыю мястэчка.
Для тых, хто хацеў бы ночыць не на прыродзе, ёсць нумары ў гатэлі “Брянск” – з сантэхнікай на калідоры і сярэдняй цаной на асобу 5 еўра за ноч. Кантакты гатэлю “Брянск” у Сеціве: http://turist.cn.ua/index/0-6 Побач з гатэлем “Брянск” ёсць гатэлі “Профсоюзный” і “Придеснянский”.
Таксама ў горадзе працуе некалькі агенцыяў і прыватныя прадпрымальнікі, якія здаюць кватэры на суткі. Сярэдні кошт – 120-150 грн.
Бяспека:
Купанне будзе дазволена, але абмежаванае вызначанымі зонамі.
На тэрыторыю фэсту нельга будзе праносіць шкляныя бутэлькі і іншую шкляную тару.
Мы плануем арганізаваць электрычнае асвятленне тэрыторыі намётавага мястэчка, але пераканаўча просім браць з сабой ліхтарыкі.
Геаграфія:
Фэст будзе праходзіць на беразе Дзясны на тэрыторыі, якая абмежаваная з аднаго боку гатэлямі “Брянск”, “Профсоюзный” і “Придеснянский” (10 мін. хады да пляцоўкі), з другога, гарадскім паркам (“Горсад”, таксама 10 мін. хады). На мапе гэта выглядае прыблізна так:
http://picasaweb.google.com/lh/photo/7iRDfZGiV8p2JgYhGrSpcQ?feat=directlink
(Але мы пастараемся даць вам яшчэ болей падрабязную мапу ;))
Даехаць да фэсту сваім транспартам можна будзе толькі да гатэля “Брянск”, пасля чаго трэба будзе ісці пешкі. Усе альтэрнатыўныя праезды да фэсту будуць выключна для арганізатараў і тэхнікаў, бо яны не заасфальтаваныя і не вытрымаюць надта вялікай нагрузкі.
Даезд з Менску:
Пачынаем прыём заявак на даезд аўтобусам з Менску! Калі ласка, званіце Віталю на нумар +375 29 649 0888 або пішыце на fest.svabody@gmail.com з указаннем кантактных дадзеных!
Валанцёры:
Нам вельмі патрэбныя валанцёры для арганізацыі жыцця намётавага мястэчка, працы ў інфармацыйным пункце і іншых арганізацыйных пытаннях фэсту! Калі вы можаце нам дапамагчы, дасылайце лісты з кантактнай інфармацыяй на адрас fest.svabody@gmail.com!
Па меры паступлення новай інфармацыі будзем дзяліцца ёю тут і на афіцыйнай старонцы фэсту!
Міжнародны фестываль Be Free пройдзе ў Чарнігаве (Украіна) 22-23 жніўня. Арганізатары – Беларуская музычная альтэрнатыва, ініцыятыва “Студфармат” і Еўрапейскае радыё для Беларусі – запрасілі на фестываль 20 маладых і вядомых гуртоў з Беларусі, Украіны, Польшчы і Францыі. Далей
