Studfarmat

Гэта яркая самабытная падзея ў культурным жыцці беларускай сталіцы, якая адкрывае завэлюмаваныя з’явы актуальнага мастацтва Менска. Мастацтваы, якое існуе за сценамі рэжымнага аб’екта – псіханеўралагічнага інтэрната №3 (Навінкі).

«ВЫСТАВА УСІХ» – гэта экспазіцыя прац пацыентаў інтэрната, непрафесійных мастакоў, якія складаюць касцяк майстэрні «ДОМ».

Як адзначаюць арганізатары, «ВЫСТАВА УСІХ» – гэты лагічны, хоць і трохі адтэрмінаваны працяг знаёмства з творчасцю пацыентаў псіханеўралагічнага інтэрната ў рамках праекта дэвіянтнага мастацтва арт «Ну-ВА!».

Да гэтай выставы мастакі выстаўляліся «паштучна». Напрыклад, Генадзь Грышаль мае ў сваёй творчай скарбонцы дзве персанальныя выставы ў сталічнай галерэі «Падземка», а Міхась Буліч прэзентаваў свае працы на міжнародным фэсце «ДАХ-9».

У сваю чаргу «Выстава ўсіх» – гэта першая своеасаблівая спроба аб’яднаць творчасць усіх аўтараў, якія насяляюць майстэрню «ДОМ», пад адным дахам галерэі.

Арт-куратар Дар’я Яскевіч адзначае, што падрыхтоўка да дадзенай выставы ішла цягам года.

- Цягам года мы збіралі матэрыялы і зараз выстаўляем прадукт, які выйшаў з-пад пэндзляў мастакоў. З любоўю і іроніяй, — кажа куратар. — Дэвіянтнае мастацтва – ніколькі не дэвіянтна… Яно наіўнае, сумнае, пацешнае, звычайнае і проста выдатнае па сваёй сутнасці. Гэта «мастацтва без аглядкі», але з жаданнем быць. А «быць» – адзіная функцыя мастацтва, ды і наша таксама».

«Выстава ўсіх», як бы прэтэнцыёзна не гучала яе назва, сапраўды абяцае стаць падзеяй для ўсіх, хто жадае зірнуць за шырму штодзённасці вачымі мастака псіханеўралагічнага інтэрната.

Адкрыццё выставы адбудзецца 14 лістапада ў 16:00 у Рэспубліканскім тэатры беларускай драматургіі (Крапоткина, 44). Наведвальнікаў чакаюць выступы і перформансы з удзелам тэатра «Альтэр эга», Лёшы Чэканоса і «Лабараторыі Абсурду».

Не так давно в сети появилось новое live-видео с концерта группы Open Space. Во время выступления на летнем фестивале фейерверков «Навальнiца» ребята исполнили несколько песен, которые войдут в новый альбом. Один из этих треков Open Space и решили запечатлеть на видео. Далей →

- Я вельмі рады, што мы здолелі выпусціць беларускамоўны кліент ICQ. Мы атрымоўвалі шмат лістоў з пытаннямі ад беларускіх карыстальнікаў, ці будзе беларуская мова ў кліенце. Зараз мы можам упэўнена сказаць, што афіцыйны беларускі ICQ цалкам наш родны. Хачу выказасць падзяку камандзе сацыяльнай сеткі Belarusy.by за дапамогу ў якасным беларускім перакладзе. Паверце, з першай старонкі ўсталёўкі вы будзіце здзіўлены якасці перакладу і не захочаце пераходзіць на іншай кліент!» – распавёў дырэктар ІП «Свет-Інтэрнэт» Іван Монцік.

Запампаваць беларускую версію кліента вы можаце як на афіцыйным сайце icq.com і абраўшы мову для ўсталёўкі беларускую ці а беларускай старонцы icq.bigmir.net/by, дзе вам прапанавана 2 кнопкі для запампоўкі, паведамляе bigmir.net.

Некаторыя дэпрэсуюць, хтосьці спрабуе злавіць апошнія цёплыя промні сонейка, а я проста захацела захаваць у памяці гэтыя восеньскія колеры. Далей →

Нельга не пагадзіцца з тым, што студэнты далёка ня круглы год жывуць бесклапотна, і стрэсавыя сытуацыі ўзьнікаюць у іх даволі часта. Асабліва небясьпечны стрэс, які студэнты перажываюць падчас сэсіі. Напружаньне ў гэты перыяд узрастае у некалькі разоў. Звычайна сэсія пралятае ў такім хуткім рытме, што заўважыць гэта не пасьпяваеш, але пасьля, варта толькі ўсяму скончыцца, адчуваеш сябе быццам выжатая цытрына.

Менавіта на такія стрэсавыя моманты, як экзамэны, прыпадаюць найчасьцей нашыя хваробы. Справа ў тым, што сам чалавек уяўляе сабой стварэньне гарманічнае, і калі гэта гармонія парушаецца хоць нейкім чынам, гэта абавязкова выклікае далейшыя парушэньні. Наш дрэнны настрой і напружаны эмацыйны стан уплывае на фізычнае самаадчуваньне, зьніжаюцца магчымасьці нашага імунітэту. Акрамя таго, дрэнныя эмоцыі ад нас на падсьвядомым узроўні перадаюцца людзям навокал, і таму мы узьлейшым ворагам, што дзейнічае незаўважна, а наступствы яго абавязкова праявяцца.

Пачніце падрыхтоўку да сэсіі загаддзя. За некалькі дзён да экзамэнаў падрыхтуйце добра памяшканьне, дзе зьбіраецеся вучыць, прыбярыце яго і забясьпечце дасягальнасьць усіх неабходных вам рэчаў.

Расплянуйце свой расклад. Нават калі вы гэтага ніколі ня робіце. У перыяд экзамэнаў лепш ведаць дакладна, што і калі рабіць, бо любыя форс- мажоры – гэта дадатковае нэрваваньне.

Паклапаціцеся пра свой фізычны стан. Забясьпечце сабе неабходны час на сьвжым паветры. Калі гэта лета, можаце рыхтавацца да экзамэнаў на паветры, напрыклад, дзе-небудзь у парку. Калі зіма, праветрывайце свой пакой.

Смачна ешце. Дазваляйце сабе любімую ежу. Памятайце, зараз у вас вельмі адказны перыяд, таму можна і зьлезьці са сваіх дыет ненадоўга. Разам з тым не злоўжывайце шкоднай ежай, асабліва фаст-фудам. Лепш згубіць крыху часу, але прыгатаваць што-небудзь смачнае і карыснае. Абавязкова ўжывайце вітаміны! Менавіта зараз.

Сачыце за сабой. Прыводзьце сябе ў добры выгляд, апраніце што-небудзь прыгожае, нават з хатняй вопраткі. Можаце нафарбавацца, нават калі не зьбіраецеся выходзіць. У вас будзе добры настрой, і вам будзе лягчэй вучыцца.

Антыдэпрэсанты – гэта ня выйсьце. Гэтак жа сама як паленьне. Менавіта ў час сэсіі зьяўляецца спакуса супакойваць нэрвы цыгарэтамі, злоўжываць кавай. Ня варта гэтага рабіць, а калі вы ўжо паліце, не павялічвайце дозу. Цыгарэты даюць вельмі часовае паслабленьне напружаньня, а шкода, якую яны нясуць арганізму, вымагае вашых сілаў і энэргіі, якія трэба ськіроўваць на іншае. Таму трымайце сябе ў руках.

Добра сьпіце. Нават калі менш, чым звычайна. Пастарайцеся класьціся спаць у адзін і той жа час, ня важна, у 12 ці ў чатыры раніцы. І не засыпайце за працоўным месцам.

Не забывайце адпачаваць, пасьля здадзенага іспыту. Не бярыцеся адразу за падрыхтоўку да наступнага, а зрабіце невялікі перапынак, схадзіце ў кіно, на канцэрт, на каток. У вашага мозгу будзе час наладзіцца на іншую дысцыпліну.

Не адмаўляйцеся ад асабістага жыцьця. Адмоўцеся толькі ад высьвятленьня адносінаў з каханым чалавекам. Адкладзіце сваркі і канфлікты. Вашая блізкасьць – добрая крыніца матывацыі. Дапамагайце адно аднаму ў падрыхтоўцы да іспытаў.Падчас сэсіі вам неабходна як мага больш добрых пазітыўных эмоцыяў, бо адмоўных вам хапае. Таму радуйцеся кожнай дробязі жыцьця. Думайце пра рэчы, якія важнейшыя для вас за адзнакі, уяўляйце свае вакацыі, што будзеце рабіць, калі “ўсё гэта сконьчыцца”. У рэшце рэшт, сэсія не вайна, і зь яе вяртаюцца. Але дзеля самога сябе вайну са стрэсам выйграць неабходна.

Памятайце пра гэта і ператварайце вашае жыцьцё ў асалоду. Усё ў вашых руках.

Рамонак