На выставе тавараў для дарослых Adult Entertainment Expo ў Лос-Анджэлесе кампанія Lincoln Park з Нью-Джэрсі (ЗША) прадставіла, як яна сцвярджае, першага ў свеце сэкс-робата TrueCompanion.
Штучная жанчына па імені Roxxxy, апроч іншага, можа пагаварыць са сваім гаспадаром і будзе прадавацца па цане ад сямі да дзевяці тысяч даляраў.
У целе Roxxxy знаходзяцца датчыкі, якія рэагуюць на дакрананне. Так, калі дакрануцца да яе рукі, робат можа сказаць “Мне падабаецца трымаць цябе за руку”. На розныя рухі гаспадара Roxxxy рэагуе пэўнымі гукамі і словамі.
Акрамя таго, гаспадар робата зможа выбраць варыянт яе характару і паводзін, паведамляе брытанская газета The Daily Telegraph.
Робат можа распазнаваць рухі вакол, аднак рухацца самастойна пакуль не ўмее. Па словах заснавальніка Lincoln Park Дугласа Хайнса, галоўная задача сэкс-робата – мець адносіны са сваім гаспадаром. У памяці Roxxxy утрымліваецца гатовы набор фраз і гукаў, з якіх яна здольная самастойна складаць прапановы для падтрымання дыялогу. Акрамя таго, яе кампутар далучаецца да Інтэрнэту, так што яна зможа даведвацца нешта новае. Фанат футбола Хайнс нават навучыў сваё вынаходніцтва абмяркоўваць ангельскі клюб “Манчэстэр Юнайтэд”.
Дарэчы, навукоўцы, напрыклад Хенрык Крыстэнсэн, заснавальнік Еўрапейскай даследчай сеткі па вывучэнні робатаў, і Дэвід Леві, аўтар кнігі Love and Sex with Robots (“Каханне і сэкс з робатамі”), прадказвалі, што першыя робаты, створаныя спецыяльна для таго, каб людзі займаліся з імі сэксам, з’явяцца ў 2011 годзе, а да 2050 году, паводле прагнозаў, такія машыны стануць амаль неадрозныя ад звычайных людзей.
Эксперты падкрэсліваюць, што ў сэкс-робата няма нічога дрэннага, так як яны змогуць дапамагчы многім людзям атрымліваць задавальненне ад палавога жыцця.
паводле holosua.com